فعلا قياس مستوى الطلاب

قام وزير التربيه والتعليم بعمل امتحانات تجريبيه لطلاب الثانويه العامه لقياس مستوى الطلاب وتعويدهم على امتحانات اخر السنه ولكن:لو بالفعل امتحانات اخر السنه بهذه اللجان فاوعدكوا ان كل لجنه هتجيب درجات موحده علشان محدش يغير من التانى
مهازل بتحصل داخل اللجان وربنا يكون فى عون المدرسين والمدرسات هيعملوا ايه دول بيراقبوا من امبارح على 77 بنت فى اللجنه الواحده اما النهارده فربنا يزيد ويبارك اصبحنا 78 بنت يعنى حوالى 4 لجان
والله ثانويه عامه
بلاش دى نفتح التليفزيون تلاقى ان الامتحانات اتسربت ومحدش جابلى ورقه ماعلينا
وكمان بياخدوا مننا ورقه الاسئله نسال ليه يقولوا علشان الى مش امتحن مش يشوف الاسئله اكيد دول الطلاب الى نسيوا المعاد بتاع الراجل الى هيسرب الامتحان
فى اللجنه يبقى الواحد بيحل فى امان الله وخمسه بصين فى الورقه الاثنين الى قاعدين امامه واثنين وراه والى جانبه طبعا مرتاح
والله لو هلاقى فى اخر السنه كده يبقى نقسم المذاكره والى مش هيدينا السؤال الى عليه يشوف هيكمل باقى اللجنه ازاى
فعلا تجربه مفيده
طيب دا كويس ان الورقه انت الى بتحل فيها واحمد ربنا
غيرك لاقى ورقته فى اول اللجنه مع انه فى اخرها
وطبعا كان هيتعمله محضر مش علشان ضيع ورقه الاجابه لا علشان مش لاقى ورقه الاسئله
وانت قاعد فى اللجنه تلاقى مدرسه داخله تقول يا جماعه مفيش حد يحل كويس علشان امتحان اخر السنه يجى سهل الكل يقول اصلى بقيس مستوايا ولكن الحقيقه انه بيقيس مستوى اللى جانبه
هى دى بقى امتحانات الثانويه العامه امال الناس بتشتكى من ايه دى حلوه جداااااااااا
والله دا مش تاليف دى حاجات حصلت بجد
..........................

الاخبار الجديده وتكمله المهازل:
استاذ انجليزى يدخل النهارده فى المتحان يلاقى البنات بتغش قال(يعنى عايزين تفهمونى انكوا مش عرفتوا الامتحان دا امبارح كان على النت ونزل فى الجرنال)تانى حركه نداله يكون الامتحان موجود ومحدش يجيبه ليا
ثانيا:
امتحان الفرنساوى موجود على النت والله دى حاجه سمعتها من استاذ فرنساوى
ثالثا:حاولوا يسيطروا على الفصل فكل استاذ يدخل يقول ايه؟؟؟؟؟؟؟؟؟
ياجماعه دى امتحانات مش عليها درجات وانتوا بتختبروا نفسكوا
وبعد كده يطلع يشرب شااااااااى
واللجنه اكيد هتجيب مجموع واحد ليحققوا مبدا المساواه
ثالثا:الوزير بيفكر يعمل امتحانات تانى فى شهر خمسه وربنا يوفق الكل
اتمنى ان لو فى فعلا امتحانات فى شهر خمسه تكون اكثر انضباط لتكون بالفعل تجربه حلوة وياريت مستوى الامتحان يكون اعلى من كده لان لحد النهارده الامتحانات مش قياس مستوى طالب

فعلا القرار نزل المدارس كلها وعشان نصدقهم علقوا المنشور الى كان جاى فيه القرار
بس اعتقد انه قرار غير ناجح يعنى دا احنا حتى لو كنا بنروح المدارس كنا هنقعد الشهرين الى فاضلين
عموما احنا سنه التجارب:
جروبوا فينا واحنا فى الابتدائى الحقيبه التقويميه
وبعدين طبقوا علينا سنه 6 وبالطبع تغيير المناهج
وبعدين امتحان التجارب
وبعدين نروح المدارس
والحمد لله لنا السبق فى كل هذاااااا
..................................

والله يااختى دى حاجه صعبه اوى
ههههههههههههه
النهارده بقى فى الامتحان المراقبه عندى فى اللجنه كانت ماسكه
ورق الاجابه وقاعده تتكلم ومش بتوزع حاجه عماله تعيد وتزيد فى الكلام اللى قرفنا منه كلنا ان الامتحان تجربه ليكى ومعرفش ايه
والورق اصلا كان جاى متاخر النهارده
بقولها لو سمحتى وزعى الورق قالت ماانا بوزع اهوه بصراحه حسيت بشلل وقالت ايه رأيك بقى انتى اخر واحده هديها ورقه الاجابه
فعلا فعلا شلل ياجماعه هى كده عقبتنى هاه خلوا بالكوا كان نفسى اقولها lol بصوت عالى بس قولت بلاش لحسن دى شكلها مضروبه قبل ماتيجى اللجنه
وكمان دا جبر و ساعتين بس
بس بصراحه كان سهل

والغريب فى الامر هنا بقى واللى يخلينى اقول lol اكتر انها قومتنى من مكانى عشان تعد عشان رجلها ياعينى وجعتها ومش ينفع توقف اللجنه كلها لالالالالالالالا صعبت عليا
نظام بقى كمان شويه اقولها اروح احسن
والله فعلا الامتحانات دى فظيعه فعلا انا بروح كل يوم عشان اشوف العجب ها عجب فعلا
ربنا يستر بكره فى الكيمياء
الموضوع من حقه يتسمى يوميات امتحانات الثانويه العامه التجريبيه
نوع اليوميه اسمها ماوراء العقل
زى ماوراء الطبيعه