نكت من الاخر

اضحك من القلب اللى مش هايقرى النكت دى هيضيع 1/2 عمرة وانا هاجى اضيع النص الباقى
يارب النكت تعجبكم وتفتحو نفسى بارائكم
بيقولك مره اربعه مجانين قاعديين في اوضه فدخل عليهم الدكتور فراحوا مسكوه وعلقوه في السقف وبيقلولوا نور فدخل صاحب الدكتور وقلهم ايه يا مجانين اللي انتم عاملينه ده فلاقى واحد قاعد لوحده في الركن فأفتكره العاقل بتاعهم فبيقولوا انته مبتعملش زيهم ليه قلهم دول مجانين فاكرين ان الدكتور هينور فقله طيب اوم نزله معايا قله واقعد في الظلمه

مرة فرختيين ماشيين فوحده معلقه بيضه على صدرها فالتانيه بتقولها ايه اللي انته معلقاه على صدرك ده راحت قالتلها دي صورتي وانا صغيرره

مره واحد صعيدي جذمته اتقطعت قام خيطها بعد اسبوع لاقها متحسنه ففك الرباط


مره واحد كسلان نايم فمراته سمعت صوت في الصاله فبتقوله يا راجل قوم لحسن يكون حرامي قالها متقومي انتي يمكن تكون حراميه

مرة واحد عصبي درسه واجعه فرح عند الدكتور فالدكتور بيقوله اعملك ايه قاله اخلع الدروس كلها وسيب الكلب ده لوحده علشان اربيه

مرة اتنين صعايده راكبيين جنب السواق فلسواق نزل يجيب شاي رجع لاقى الصعايده خلعيين عصايه الفتيس قلهم الله يخرب بيتكوم انتوا عملتوا ايه فقلوله لاقناك بتلخلل في العصايه ديه من اول الطريق روحنا خلعنهالك

سبع صعايدة معاهم فلوس وعايزين يعملوا مشروع فاشتروا عربية سبعة راكب وجابوا سواق.........وعشان كانوا خايفين على العربية....كانوا كلهم بيركبوا مع السواق لما ييجي يشتغل .فلما المشروع فشل ...غيروا السواق

واحدة عندها بغبغان وكان دايما يشتمها ويقول لها : يا كلبه......فراحت تغيره من عند الراجل اللي اشترته منه.....وقالت له غيره لحد ماجي من مشواري......فراح الراجل بدل ما يغيره ..راح دهنه بألوان تانية عشان يحسسها انه جديد فلما جات قال لها ..دا واحد جديد لو رفعتي رجله اليمين يتكلم انجليزي ولو رفعتي الشمال هيتكلم فرنساوي فالولية قالت ولو رفعت الاتنين؟؟ فالبغبغان راح قايل لها : هاقع يا وسخة

واحد بخيل كان زعلان فسألوه زعلان ليه قال لهم الصيدلية اللي جنبينا عاملة عرض مجاني ومفيش في بيتنا حد عيان ولا حد عايز يعيا



مرة واحد صحي من النوم لقى هدومه كلها اخضر وجلده اخضر وسريره اخضر والارض والسقف والحيطة كلها اخضر فنزل الشارع لقى السما والعمارات والعربيات والحيوانات كلها اخضر وبعد شويه لقى واحد احمر قال له اشمعنا انتا اللي احمر .فقال له اصل انا من نكتة تانية

كان فيه موظف اسمه أسامة ورايح يقضي مصلحة معينة....فالمأمور بيسأله اسمك ايه قال له أسامة...فقال له : أسامة الكلب؟؟؟فراح أسامة زعل وراح يشتكي للمحافظ وقال له المأمور بيشتمني وبيتريق على اسمي..فقال له هو انت اسمك ايه..فقال له أسامة..فقال له أسامة الكلب؟؟فقرر يشتكي للريس فلما الريس سأله عن اسمه قال له أسامة...قال له أسامة الكلب؟؟فزعل الراجل راح يشتكي لجورج بوش فسأله جورج بوش عن اسمه فقال له أسامة...فقال له أسامة بن لادن؟؟؟؟فاتخض الراجل وقال : لأ لأ أسامة الكلب!!






مرة تلاتة مساطيل الأول قال أنا لو معايا فلوس أشترى نص الكرة الارضية والتانى قال أنا لو معايا فلوس أشترى النص الأخر التالت رد وقالهم مين قالكم إنى هبعيلكوا

مرة 3 تلاميذ اتأخروا عن الحصة الاولى ، و لما وصلوا المدرسة قالتلهم انتوا كنتو فين؟ الأول قال أنا ضاع منى الخاتم بتاعى، الثانى قال وأنا كنت بدور معاه، فسألت الثالث وأنت كنت فين؟ قلها كنت دايس عليه!!

مدرس بيقول للتلاميذ اكتبوا ورايا ذهب محمد الي مصيف بلطيم يوم الاربعاء فطالب سأله لو سمحت يا استاذ هي الهمزة علي السطر
ولا علي ألف، سكت المدرس شوية وبعدين قاله خلاص يا ابني خليها الخميس

واحد واقف امام محل عصير ومعهوش غير 25قرش قال اشرب عصير ولا اركب الاوتوبيس لو ركبت الاوتوبيس يا هقف يا هقعد، لو وقفت مش مشكله لو قعدت هقعد جنب راجل او ست، لو ,راجل مش مشكله لوست يا هتبقي حلوه او وحشه، لو وحشه مش مشكله لوحلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعو عيني، وعلي ايه مشرب عصير احسن.

واحد في الإمتحان مش عارف يحل والإمتحان كله صح و غلط ، راح مطلع بريزه ولعب ملك وكتابة على اإمتحان خلص الإمتحان في نص ساعة ،طلع البريزة تاني لييييييييييييييييييي ييه؟؟؟؟؟؟؟؟؟ علشان يراجع هاهاهاهاها

مرة مدرس دخل الفصل فقال للتلاميذ يعيش السمك فى الماء رد التلاميذ يعيش يعيش يعيش

واحد حرامى والتانى ندل فالندل بيقول للحرامى علمنى السرقة فسرق محفظة واحد وقالوا اهوة علمنى انت باة الندالة، راح جه مسكوا وقال
حرامى

كان مرة واحد كل يوم يحلم بماتشات عصافير فراح للدكتور وقال له اللى بيحصله والكتور قاله خد الدواء ده النهاردة رد عليه وقال له
استنى عشان النهاردة الماتش النهائى

واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو. الباب خبط. مين. افتح بوليس. راح مقطع الخمسين جنيه بتاعة البانجو

مره 2 فشارين بيفشروا على بعض الاول قالله انا كنت فى الغابه وجالى اسد شافنى اتخض ام ميت قالله يا خرابى وانا كنت فى الصحراء جالى تعبان جريت منه ورا الباب الاول ام قايله مفيش باب فى الصحراء وبعدين قالله استخبيت فوق الشجره قاله مفيش شجر فى الصحره التانى قالله عاجبك
كده اهو كلنى

يا رب تكون عجبتكم

اضحك من القلب اللى مش هايقرى النكت دى هيضيع 1/2 عمرة وانا هاجى اضيع النص الباقى