رسايل مطرقعه

لو كان حبك سؤال اختياري و فراقك سؤال اجباري

أختار حبك و احول معهد فني تجاري



***********************



كل الناس لهم معزه بقلبي

الا انت ليك 6 معزات و 3 وزات و فرختين و بطه



***********************



هاهاهاهاهاها

هي هي هي هي هي

هو هو هو هو هو



مبروك اشتركت في خدمة

زغزغني شكرا



***********************
تعلن شركة جهينه عن هروب

اهم ابقارها



اعقل وارجع....



***********************



ندل واقف في باص ضحك لبنت ضحكتله

غمز لها غمزت له شاور لها تنزل

نزلت راح قعد مكانها
**********************



هندي بيسأل مصري

انت ليه مش احرق جثه قبل ادفن

رد عليه احنا ادفن

وربنا احرق



**********************



واحد بلدياتنا مسك حتة ثلج

و قال اموت واعرف انتي بتنقطي منين؟؟



**********************



تهنئة مولعة بأعياد جميلة مشخلعة

من غير بمب و فرقعة لناس حلوة مطرقعة



**********************



حدثت تطورات خطيره في هذا القرن

أصبح الانسان يرسل و الحمار يستقبل



**********************



تيت........تيت.............تيت..........

قشطة على التنفيض لا بتسأل و لا بترن

و عامل نفسك عبيط



**********************



واحد بيقول لمراته انا بحب فيتراك

قالت له و انا بحب سامي

قال لها بس فيتراك ده مربى

قالت له و سامي ده عسل



**********************



اسمك دافي و ضحكتك بلسم شافي

و اللى يكرهك الهي يتهبل و يمشي في الشارع حافي



**********************



اذا ضاع الحب و رحل الوفاء و لم يعد هناك وزن

للمشاعر السامية و لا للاحاسيس المرهفة

فلنجتمع معا

تحت جناح الظلام

تحت قطرات المطر

و تتلاقى اكتافنا

و تتوحد كلمتنا

لنصرخ باعلى صوت





العنب العنب العنب



***********************



مساء جميل لعيون عسليه

مع رشة برفان فرنسية

و حجرين شيشة من اسكندريه

و 2 بيرة 100%

تبقى احلى دماغ في البلد ديه



***********************



اشوفك ادوخ

اقرب منك اتسطل

المس ايديك افقد الوعي

ارحمني و استحمى



***********************



تزعلني اراضيك

تحبني اموت فيك

تنساني بزنوبه مقاس 39 و اوريك



***********************



حكيت عنك

للشمس

للقمر

للبحر

للنجوم

للعالم

من الاخر عملت لك فضيحة



**********************



يا نايم في العسل و عامل في المنام زيطة

نام يا جميل نامت عليك حيطة



**********************